بھیکن پور میں الوداعی جمعہ کی نماز ادا، بڑی تعداد میں لوگوں کی شرکت
سید عارف میاں
بھیکن پور (کلواڑہ)۔ رمضان المبارک کے آخری جمعہ کے موقع پر الوداعی نماز نہایت عقیدت و احترام کے ساتھ ادا کی گئی۔ نماز کی امامت قاری فہیم صاحب نے کی، جس میں علاقے کے سینکڑوں افراد نے شرکت کرکے اللہ تعالیٰ کے حضور عبادت کی اور ملک میں امن و امان کے لیے خصوصی دعائیں مانگیں۔
نماز کے بعد اجتماعی دعا کا اہتمام کیا گیا، جس میں ملک کی ترقی، بھائی چارے اور خوشحالی کے لیے دعائیں کی گئیں۔ اس موقع پر متعدد معزز شخصیات بھی موجود رہیں، جن میں سید عارف میاں، بھارتی مودی آرمی مسلم مورچہ کے قومی صدر عباس علی پردھان جی، ڈاکٹر مسکر علی (قومی انچارج)، ڈاکٹر عظمت علی پردیسی (نائب صدر)، ڈاکٹر مجاہد، ڈاکٹر سلیم، ڈاکٹر شریک، محمد سلیم (ضلع سکریٹری، بھارتی مودی آرمی)، فہیم دیوان جی، سید محسن میاں، سید شہویز میاں، عاصم میاں، فراز، رئیس خان سمیت دیگر افراد شامل تھے۔
اس کے علاوہ ڈاکٹر سلیم، لالا خان، اسلام خان، اکرم خان اور نیو سائنک اسکول کے منیجر فوجی صاحب بھی اس موقع پر موجود رہے۔
نماز کے دوران علاقے میں نظم و نسق کے معقول انتظامات کیے گئے تھے۔ نماز کے بعد لوگوں نے ایک دوسرے کو گلے مل کر الوداعی جمعہ کی مبارکباد دی اور بھائی چارے کا پیغام دیا۔
یہ اجتماع علاقے میں مذہبی ہم آہنگی، اتحاد اور یکجہتی کی ایک خوبصورت مثال بن کر سامنے آیا۔
